ಮರೆಯದಿರು ರಾಖಿಬಂಧನ್

ಮರೆಯದಿರು ರಾಖಿಬಂಧನ್ ಹಿಂದುಗಳ ಐಕ್ಯ ಸಾಧನ್
ಬಂಧುಗಳ ಪ್ರೇಮ ಬಂಧನ್ ಇದೆ ಹಿಂದುರಾಷ್ಟ್ರ ಜೀವನ್ || ಪ ||

ಹಿನ್ನಡೆದ ಹಿಂದುಗಳಲಿ ಹುಮ್ಮಸನು ತುಂಬುತಿಹುದು
ಮೈಮರೆತ ಬಂಧುಗಳಲಿ ತನ್ನರಿವ ಬಿಂಬಿಸಿಹುದು
ಅಭಿಮಾನಪೂರ್ಣ ಜೀವನ್, ಸಾರುತಿದೆ ರಾಖಿ ಬಂಧನ್ || 1 ||

ಹೃದಯಕ್ಕೆ ಹೃದಯ ಬೆರೆಸಿ ನಿಜ ಪ್ರೇಮ ಝರಿಯ ಹರಿಸಿ
ಆಂತರಿಕ ಜ್ಯೋತಿ ಜ್ವಲಿಸಿ ನವ ಸ್ಫೂರ್ತಿಸುಧೆಯ ಸುರಿಸಿ
ಸಂಘಟನ ಮೂಲ ಸಾಧನ್, ಸಾರುತಿದೆ ರಾಖಿ ಬಂಧನ್ || 2 ||

ಸದ್ಧರ್ಮ ಮರ್ಮವರುಹಿ, ಸಂಸ್ಕೃತಿಯ ಸಾರ ತಿಳುಹಿ
ಕೇಶವನ ಮಂತ್ರವರುಹಿ, ಸಂಘಟನ ತಂತ್ರ ತಿಳುಹಿ
ರಾಷ್ಟ್ರೀಯ ಶ್ರೇಷ್ಠ ಜೀವನ್, ಸಾರುತಿದೆ ರಾಖಿ ಬಂಧನ್ || 3 ||