ಮಮ ಮಾತಾ ದೇವತಾ

ಮಮ ಮಾತಾ ದೇವತಾ, ಮಮ ಮಾತಾ ದೇವತಾ

ಅತಿಸರಲಾ, ಮಯಿ ಮೃದುಲ
ಗೃಹಕುಶಲಾ, ಸಾ ಅತುಲಾ || ಮಮ ಮಾತಾ ||

ಪಾಯಯತಿ ದುಗ್ಧಂ, ಭೋಜಯತಿ ಭಕ್ತಂ
ಲಾಲಯತಿ ನಿತ್ಯಂ, ತೋಷಯತಿ ಚಿತ್ತಂ || ಮಮ ಮಾತಾ ||

ಸಾಯಂಕಾಲೇ ನೀರಾಜಯತಿ
ಪಾಠಯತಿ ಚ ಮಾಂ ‘ಶುಭಂ ಕರೋತಿ’
ಶುಭಂ ಕುರು ತ್ವಂ ಕಲ್ಯಾಣಮ್
ಆರೋಗ್ಯಂ ಧನಸಂಪದಃ
ದುಷ್ಟ ಬುದ್ಧಿವಿನಾಶಾಯ
ದೀಪಜ್ಯೋತಿರ್ನಮೋsಸ್ತು ತೇ
ಪಾಠಯತಿ ಚ ಮಾಂ ‘ಶುಭಂ ಕರೋತಿ’ || ಮಮ ಮಾತಾ ||

ರಾತ್ರೌ ಅಂಕೇ ಮಾಂ ಸ್ವಾಪಯತಿ
ಮಧು ಮಧು ಮಧುರಂ ಗೀತಂ ಗಾಯತಿ
ಆ ಆ ಆ ಆ ಆ ಆ…… || ಮಮ ಮಾತಾ ||